విజయవాడ,తేదీ:29.04.2020
గ్రామీణ ప్రాంతాలలో కంటెయిన్మెంట్ క్టస్టర్ వెలుపల పరిశ్రమల కార్యకలాపాలు నిర్వహించడంతో పాటు అవసరమైన కార్మికులను ఒక మండలం గ్రీన్ జోన్ నుండి మరొక మండలం గ్రీన్ జోన్ పరిశ్రమలలో పనిచేసేందుకు తరలించేలా అనుమతిస్తూ రాష్ట్ర ప్రభుత్వం ఉత్తర్వులు జారీ చేసినట్టు సమాచార పౌరసంబంధాల శాఖ కమీషనర్, ప్రభుత్వ ఎక్స్ అఫిషియో సెక్రటరీ, కోవిడ్-19 టాస్క్ ఫోర్స్ కమిటీ సభ్యులు తుమ్మా విజయ్ కుమార్ రెడ్డి
ఏప్రిల్ 18 వ తేదీన ప్రభుత్వం (జీవో నెం. 88) జారీ చేసిన ఉత్తర్వులను పాక్షికంగా సవరిస్తూ జీవో నెం. 92 జారీ చేయబడిందని, నెల్లూరు, విశాఖపట్టణం మరియు శ్రీకాకుళం పారిశ్రామిక వర్గాల అభ్యర్ధన మేరకు పై మార్పులు చేసినట్లు ఆయన తెలిపారు.
జీవో నెం. 88 ప్రకారం కరోనా వైరస్ వ్యాప్తి చెందకుండా భౌతిక దూరాన్ని పాటిస్తూ గ్రామీణ ప్రాంతాలలో అనుమతించిన పరిశ్రమలు తిరిగి ప్రారంభించుకోవచ్చని,రెడ్ జోన్ లు కల్గిన మండలాలు/మున్సిపాలిటీ/మున్సిపల్ కార్పొరేషన్లలో ఎటువంటి పరిశ్రమలు నిర్వహించడానికి అనుమతించలేదని తెలిపారు. సదరు ఉత్తర్వుల ప్రకారం, పున:ప్రారంభించబడిన పరిశ్రమలలో కార్మికుల రక్షణ కోసం మరియు కోవిడ్ -19 వ్యాప్తిని నివారించడానికి అవసరమైన భౌతిక దూరం, పారిశుధ్యం మరియు ధర్మల్ స్క్రీనింగ్ వ్యవస్థలను విధిగా ఏర్పాటు చేసుకోవాలన్నారు. నిబంధనలను పాటిస్తున్నట్లు ఆయా పరిశ్రమలు స్వీయ ధృవీకరణ ఇవ్వాలని, నిబంధనలను పాటించని పరిశ్రమలపై ప్రభుత్వం కఠిన చర్యలు తీసుకుటుందని కమీషనర్ తుమ్మా విజయ్ కుమార్ రెడ్డి తెలిపారు.
