వింజమూరులో దాతల సహకారం ప్రశంసనీయం :ఎస్.ఐ బాజిరెడ్డి

వింజమూరు, ఏప్రిల్ 24 (అంతిమ తీర్పు-దయాకర్ రెడ్డి): వింజమూరు మండలంలో ప్రస్తుత లాక్ డౌన్ సమయంలో దాతలు అందిస్తున్న సేవలు ప్రశంసనీయమని ఎస్.ఐ బాజిరెడ్డి అన్నారు. శుక్రవారం నాడు స్థానిక గ్రామ పంచాయితీ కార్యాలయంలో వి.యస్.ఆర్ బిల్డర్స్ అండ్ డెవలపర్స్ అధినేత వనిపెంట.సుబ్బారెడ్డి ప్రభుత్వ శాఖల సిబ్బందికి భోజనాలు అందించే కార్యక్రమానికి ఎస్.ఐ ముఖ్య అతిధిగా పాల్గొని ప్రసంగించారు. ఈ సందర్భంగా ఆయన మాట్లాడుతూ వనిపెంట.సుబ్బారెడ్డి ఇప్పటికే వింజమూరులోని పలు ప్రాంతాలలో పేద ప్రజలకు విరివిగా కూరగాయలను పంపిణీ చేస్తూ తన దాతృత్వమును చాటుకుంటుండటం గొప్ప విషయమన్నారు. తాజాగా ప్రస్తుత కరోనా వైరస్ నియంత్రణ దిశగా పని చేస్తున్న అన్ని ప్రభుత్వ శాఖల సిబ్బందికి వారి వారి కార్యాలయాలకే భోజనాలు చేర్చి అన్నదాతగా కీర్తి గడించారన్నారు. మండల వ్యాప్తంగా దాతలు చేస్తున్న సేవలు మరువరానివన్నారు. పారిశుద్ధ్య కార్మికులు, వైద్య ఆరోగ్యశాఖ సిబ్బంది, పోలీసు సిబ్బంది, వాలంటీర్లు, సచివాలయ ఉద్యోగులు, రెవిన్యూ తదితర శాఖలతో పాటు జర్నలిస్టులకు సైతం సుబ్బారెడ్డి భోజన ప్యాకెట్లును పంపిణీ చేశారు. ఈ కార్యక్రమాలలో పంచాయితీ కార్యదర్శి బి.శ్రీనివాసులురెడ్డి, ప్రభుత్వ వైధ్యాధికారి హరిక్రిష్ణ, బి.జె.పి నియోజకవర్గ ఇంచార్జ్ యల్లాల.రఘురామిరెడ్డి, పి.సి.సి సభ్యులు మద్దూరు.రాజగోపాల్ రెడ్డి, వై.సి.పి నేతలు గణపం.రమేష్ రెడ్డి, కైపు.సుబ్బారెడ్డి, నీలం.సంజీవరెడ్డి, ముస్లిం హెల్పింగ్ హ్యాండ్స్ బృందం ప్రతినిధులు ఎస్.కె.రఫి, అల్తాఫ్ తదితరులు పాల్గొన్నారు.