ముఖ్యమంత్రి కి వచ్చిన విరాళాల వివరాలు

     విజయవాడ, తేదీ.09.(అంతిమ తీర్పు):
ముఖ్యమంత్రి సహాయ నిధి (కోవిడ్-19) కి ఏప్రిల్ 9 వ తేదీ మధ్యాహ్నం 1 గంట వరకు 11,839 మంది దాతలు రూ. 133 కోట్ల 6 లక్షల 65  వేల 477 ల విరాళాలు అందజేశారని సమాచార పౌర సంబంధాల శాఖ కమీషనర్, ఎక్స్- అఫీషియో స్పెషల్ సెక్రటరీ మరియు కోవిడ్-19 రాష్ట్ర టాస్క్ ఫోర్స్ మెంబర్ తుమ్మా విజయ్ కుమార్ రెడ్డి గురువారం ఒక ప్రకటనలో తెలిపారు.
ముఖ్యమంత్రి సహాయ నిధికి రూ. 5 కోట్ల పైబడి 11 మంది దాతలు రూ. 65,37,00,000 లు, విరాళంగా అందించగా, కోటి నుంచి 5 కోట్ల రూపాయల వరకు 23 మంది రూ. 34,87,12,115 లు, 10 లక్షల పైన కోటి రూపాయల లోపు 42 మంది రూ.10,56,91,763 లు, లక్ష పైన 10 లక్షలలోపు 213 మంది రూ. 4,21,71,044 లు, 20 వేల నుండి 50 వేల వరకు 263 మంది రూ. 63,40,958 లు, 20 వేల లోపు 11,160 మంది రూ. 16,74,61,193 ల సాయం అందించారన్నారు.   
కరోనా ఆర్థిక సాయంలో భాగస్వాములు కావాలసిన వారు ముఖ్యమంత్రి సహాయ నిధి ఆంధ్రప్రదేశ్ పేరున తమ చెక్కులను పంపాలని తెలిపారు. ఆన్ లైన్ ద్వారా విరాళాలు అందజేయాలనుకునేవారు SBI ACCOUNT NO - 38588079208, IFSC CODE - SBIN0018884, సెక్రటేరియట్ బ్రాంచ్, వెలగపూడి మరియు ANDHRA BANK ACCOUNT NO : 110310100029039, IFSC CODE – ANDB003079, సెక్రటేరియట్ బ్రాంచ్, వెలగపూడి ఖాతాలలో జమచేయాలన్నారు. వెబ్ సైట్ ద్వారా విరాళాలు అందించాలనుకునే వారు apcmrf.ap.gov.in కు ఇంటర్నెట్ బ్యాంకింగ్, డెబిట్, క్రెడిట్ కార్డుల ద్వారా చెల్లించాలని ఆయన కోరారు. 
విరాళాలు చెక్కుల రూపంలో మరియు ఆన్ లైన్ లో అందించే దాతలు తమ పేరు, చిరునామా, ఫోన్ నెంబర్, ఈ –మెయిల్ అడ్రస్ తో పాటు ఎందు నిమిత్తం విరాళం అందిస్తున్నారో తెలియజేస్తూ, చెక్కులు ఇతర ఆన్ లైన్ వివరాలను, ప్రత్యేక అధికారి, ముఖ్యమంత్రి కార్యాలయం, గ్రౌండ్ ఫ్లోర్, ఫస్ట్ బ్లాక్, ఏపీ సెక్రటేరియట్, వెలగపూడి,ఈ-మెయిల్: splofficer-cm@ap.gov.in కి అందజేయగలరని ఆయన  తెలియజేశారు. 
వెబ్ సైట్ ద్వారా విరాళాలు ఇచ్చిన దాతలు గౌరవ ముఖ్యమంత్రి లేఖ, రసీదు,100 శాతం ఆదాయ పన్ను మినహాయింపు పత్రాన్ని అదే వెబ్ సైట్ నుంచి డౌన్ లోడ్ చేసుకోవచ్చని కమీషనర్ తెలిపారు. .