బిజెపి రాష్ట్ర అధ్యక్షులు శ్రీ కన్నా లక్ష్మీనారాయణ రాష్ట్ర ముఖ్యమంత్రి జగన్మోహన్ రెడ్డి కి వివిధ అంశాలపై లేఖ వ్రాసారు.
ముందుగా కన్నా లక్ష్మీనారాయణ గారు లాక్-డౌన్ నేపథ్యంలో భయంకరమైన విశాఖపట్నం గ్యాస్-లీక్ బాధితులను పరామర్శించడానికి అనుమతి ఇచ్చినందుకు ధన్యవాదాలు తెలిపారు.
విశాఖపట్నం గ్యాస్-లీక్ ప్రమాదంలో మరణాలు మరియు వేలాది మంది బాధితుల ఆసుపత్రిపాలవడం హృదయాన్ని కలచి వేసిందని కన్నా లక్ష్మీనారాయణ . ఆవేదన వ్యక్తం చేశారు.
గ్యాస్-లీక్ బాధితులను కలుసుకొని వారి పరిస్థితి చూడటం,స్థానిక ప్రజలతో మాట్లాడటం మరియు కర్మాగారాన్ని సందర్శించిన తరువాత దుర్ఘటన సంభవించిన తీరు చూస్తే ఖచ్చితంగా ఈ దుర్ఘటన మానవ తప్పిదం వలనేనని అర్ధమవుతుందని కన్నా లక్ష్మీనారాయణ లేఖలో వివరించారు.ఫ్యాక్టరీ బాధ్యత రహిత వైఖరి సృష్టమవుతోందని లేఖలో తెలిపారు.
ఈ సందర్భంగా కన్నా లక్ష్మీనారాయణ 
ఇప్పటికే ప్రభుత్వం ప్రకటించిన సహాయ చర్యలను కన్నా లక్ష్మీనారాయణ అభినందించారు.ముఖ్యంగా బాధితులు వారి జీవితాంతం ఈ విషపూరిత స్టైరెన్ గ్యాస్ లీక్ యొక్క ప్రభావాలను ఎదుర్కొనే అవకాశం ఉంది.బాధితులందరూ చాలా పేదవారు కావడంతో తరువాత వైద్య ఖర్చులు భరించలేరు.అందువల్ల,లీకేజీ సమయంలో ఈ వాయువును పీల్చుకోవడం వల్ల ఏదైనా అనారోగ్యనికి గురైన సందర్భంలో వారి చికిత్సకు శాశ్వత ఆరోగ్య కార్డులు జారీ చేయాలని లేఖ ద్వారా కన్నా లక్ష్మీనారాయణ విజ్ఞప్తి చేశారు.
