ఎల్ఐసీలో పెట్టుబడుల ఉపసంహరణ ప్రక్రియ నిలిపివేయాలి * ఇన్సూరెన్స్ కార్పోరేషన్ ఎంప్లాయీస్ యూనియన్ నిరసన విజయవాడ(భవానీపురం): భారతీయ జీవిత బీమా సంస్థ (ఎల్ఐసీ)లో పెట్టుబడుల ఉపసంహరణ ప్రక్రియ నిలిపివేయాలని, ప్రభుత్వ వాటాలను విక్రయించేందుకు కేంద్రం చేస్తున్న ప్రయత్నాలను విరమించుకోవాలని ఇన్సూరెన్స్ కార్పోరేషన్ ఎంప్లాయీస్ యూనియన్ మచిలీపట్నం డివిజన్ జాయింట్ సెక్రటరీ డాక్టర్ సీహెచ్ కళాధర్ డిమాండ్ చేశారు. ఎల్ఐసీలో పెట్టుబడుల ఉపసంహరణ ప్రక్రియ నిలిపివేయాలి డిమాండ్ చేస్తూ భవానీపురంలోని ఎల్ఐసీ కార్యాలయాల వద్ద మంగళవారం ఇన్సూరెన్స్ కార్పోరేషన్ ఎంప్లాయీస్ యూనియన్ (ఐసీఈయు) ఆధ్వర్యంలో మధ్యాహ్న భోజన విరామ సమయంలో ప్లకార్డులు ప్రదర్శించి తమ న్యాయమైన డిమాండ్లను నెరవేర్చాలని నినాదాలు చేశారు. ఈ సందర్భంగా కళాధర్ మాట్లాడుతూ ప్రపంచంలోనే అత్యధిక క్లైమ్లను పరిష్కరించే జీవిత బీమా సంస్థగా రికార్డు సృష్టించిందన్నారు.1956లో కేవలం రూ.5 కోట్ల ప్రభుత్వ పెట్టుబడితో ప్రారంభమైన సంస్థ నేడు రూ.32లక్షల కోట్ల ఆస్థులు కలిగి, రూ.22లక్షల కోట్ల మూలధనంతో ముందుకు సాగుతుందన్నారు. అదేవిధంగా ప్రజల నుంచి సేకరించిన సొమ్మును తిరిగి దేశ మౌలిక సదుపాయాలు, అభివృద్ధి కోసం పెట్టుబడులుగా పెడుతూ భద్రత కల్గిస్తుందని పేర్కొన్నారు. ఈ పెట్టుబడులును అధికంగా రైల్వే, విద్యుత్తు, నీటి ప్రాజెక్టులకు పెట్టుబడులుగా పెడుతుందని తెలిపారు. దేశవ్యాప్తంగా 49 కోట్ల మంది పాలసీదారులతో పాటు 1.06లక్షలు ఉద్యోగులను కల్గి అత్యంత తక్కువ ఖర్చుతో (3.3శాతం) నిర్వహించబడే అతిపెద్ద సంస్థను నేడు కేంద్రం ప్రైవేటుపరం చేయాలని చూడడం బాధాకరమని ఆవేదన వ్యక్తం చేశారు. తక్షణం ఎల్ఐసీలో పెట్టుబడుల ఉపసంహరణ ప్రక్రియను కేంద్రం వెంటనే నిలిపివేయాలని.. లేనిపక్షంలో ప్రత్యక్ష ఆందోళన చేపడతామని ఆల్ ఇండియా ఇన్సూరెన్స్ ఎంప్లాయీస్ అసోసియేషన్ ఏఐఐఈఏ) ఇప్పటికే పిలుపునిచ్చిందని కళాధర్ తెలిపారు. నిరసన కార్యక్రమంలో ఐసీఈయు కృష్ణా జిల్లా ఉపాధ్యక్షుడు ఎన్.ఎం.కె.ప్రసాద్, అసిస్టెంట్ ట్రెజరర్ జె.మధుసూధనరావు, బ్రాంచ్ అధ్యక్ష, కార్యదర్శులు జె.హెప్సీబా, ఆర్.వి.శ్రీనివాస్,గుర్రం శ్రీనివాస్, అధికారులు, ఉద్యోగులు, ఏజెంట్లు పెద్ద ఎత్తున పాల్గొన్నారు.
Popular posts
షాంపూ, ఫేస్ మాస్క్, సానిటయిజర్ లు పంపిణీ
• Valluru Prasad Kumar
తెలుగు భాషను కాపాడుకోవడం మనందరి కర్తవ్యం
• Valluru Prasad Kumar
వెల్లివిరిసిన వనిపెంట.సుబ్బారెడ్డి దాతృత్వం
• Valluru Prasad Kumar
*పీఎంవోలోకి ఆమ్రపాలి* న్యూఢిల్లీ : యువ ఐఏఎస్ అధికారిణి ఆమ్రపాలికి మరో అరుదైన అవకాశం లభించింది. ప్రధాని నరేంద్ర మోదీ కార్యాలయం (పీఎంవో)లో తాజాగా నియమితులైన ముగ్గురు ఐఏఎస్ల జాబితాలో ఆమె స్థానం దక్కించుకున్నారు. పీఎంవోలో డిప్యూటీ కార్యదర్శిగా నియమితులైన ఆమ్రపాలి 2023 అక్టోబర్ 27వరకు కొనసాగనున్నారు. అలాగే, పీఎంవోలో డైరెక్టర్గా రఘురాజ్ రాజేంద్రన్, అండర్ సెక్రటరీగా మంగేశ్ గిల్దియాల్ను నియమిస్తూ అపాయింట్మెంట్స్ కమిటీ ఆఫ్ ది కేబినెట్ శనివారం ఉత్తర్వులు జారీ చేసింది. 2010 బ్యాచ్ ఆంధ్రప్రదేశ్ క్యాడర్కు చెందిన ఐఏఎస్ అధికారిణి ఆమ్రపాలి గతంలో వికారాబాద్ సబ్ కలెక్టర్గా, రంగారెడ్డి జిల్లా జేసీగా, వరంగల్ జిల్లా కలెక్టర్గా, రాష్ట్ర ఎన్నికల సంఘంలో అధికారిణిగా సేవలందించారు. అనంతరం ఆమె కేంద్ర సర్వీసుల్లోకి వెళ్లారు. ప్రస్తుతం కేంద్ర కేబినెట్ సెక్రటేరియట్లో డిప్యూటీ కార్యదర్శిగా వ్యవహరిస్తున్నారు. అలాగే, పీఎంవోలో డైరెక్టర్గా నియమితులైన రఘురాజ్ రాజేంద్రన్ మధ్యప్రదేశ్ క్యాడర్కు చెందిన (2004 బ్యాచ్) ఐఏఎస్ అధికారి. ఆయన గతంలో కేంద్ర పెట్రోలియం శాఖ మంత్రి ధర్మేంద్ర ప్రధాన్ వద్ద ప్రైవేటు సెక్రటరీగా పనిచేశారు. మరోవైపు, 2012 బ్యాచ్కు చెందిన ఉత్తరాఖండ్ క్యాడర్ అధికారి మంగేశ్ గిల్దియాల్ పీఎంవో అండర్ సెక్రటరీగా నియమితులయ్యారు.
• Valluru Prasad Kumar
ప్రజలకు ఇబ్బందులు కలగకుండా ప్రభుత్వం తీసుకుంటున్న చర్యలు
• Valluru Prasad Kumar
Publisher Information
Contact
anthimateerpudaily@gmail.com
9704871289
H No. 11-24-4, Vinnakota vaari chowk, Bhavanarayana vaari st.
Vijayawada - 520001. Andhra Pradesh.
About
Share this page
Email
Message
Facebook
Whatsapp
Twitter
LinkedIn